Libri "Etnografi tingujsh: Ese mbi oralitetin, arbëreshët dhe këngën epike" i Nicola Scaldaferri-t, me përkthim të Mikaela Mingës, shqyrton marrëdhënien ndërmjet oralitetit, shkrimit muzikor dhe përfaqësimit, duke propozuar një mënyrë të re për të kuptuar dhe dokumentuar muzikën si formë njohjeje dhe kujtese kolektive. Përmes konceptit të “etnografisë së tingujve”, Scaldaferri zhvendos vëmendjen nga partitura dhe notacioni drejt praktikave jetësore që e gjenerojnë tingullin. Studimet mbi komunitetet arbëreshe në Italinë e Jugut dhe mbi epikën shqiptare evidentojnë mënyrat se si oraliteti dhe identiteti ndërthuren nëpërmjet zërit.
