Kategoritë
Titulli
Kaos Zherminal
Përshkrimi
Poezitë e Elvin Nurit janë përvojë e jetesës dhe e shoqërizimit në qytet, reflektime mbi ritmet, vetmitë dhe ndjesitë që përbëjnë përditshmërinë urbane të Tiranës së kësaj dekade. Ky libër vjen si një hartë emocionale e një brezi specifik, mes lodhjes politike dhe dëshirës për të jetuar.
Titulli
Një jetë me monumentet
Përshkrimi
Titulli
Etnografi Tingujsh; Ese mbi oralitetin, arbëreshët dhe këngën epike
Përshkrimi
Titulli
Mish dhe Kocka
Përshkrimi
"MISH DHE KOCKA: Mbi trupin, identitetin dhe pushtetin" nga Olsi Lelaj, bën bashkë katër projekte kërkimore të zhvilluara gjatë viteve, brenda kuadrit të gjerë të fushës së antropologjisë së modernitetit. Në fokus është trupi jo thjesht si një entitet biologjik, por si një hapësirë simbolike ku ndërthuret dhe pikëtakohet individualja me kolektiven, natyrorja me kulturoren, ndjesorja me politiken, dija me pushtetin shtetëror. Secila prej eseve që paraqitet këtu analizon konfigurimet historike, politike, sociale dhe kulturore të përdorimit të trupit, duke nxjerrë në pah mënyrën se si lëkura, mishi dhe kockat kthehen në fushëbeteja në të cilat artikulohen dhe përplasen konfigurime dhe sisteme më të gjera ideologjike, epistemike dhe ndjesore.
Titulli
Përfaqësoj tokën ku qëndroj
Përshkrimi
Të ushqyerit, na kujton Berry, është një akt bujqësor dhe politik. Është një lidhje e drejtpërdrejtë me tokën, një marrëdhënie që shumica prej nesh nuk e kuptojnë më. Kjo amnezi kulturore na kthen në konsumatorë idealë për industrinë: të shkëputur nga rrënjët, të pavetëdijshëm dhe të përhumbur pas rehatisë së produkteve të parapërgatitura, të paketuara, të shpërndara dhe të reklamuara.
Titulli
Gjakime kthimesh, gjakime ikjesh; Ese mbi letërsinë në arrati
Përshkrimi
Në këto ese brilante dhe thellësisht intime, Kristoffer Leandoer na fton të ndjekim gjurmët e letërsisë që lind në lëvizje — ndërmjet mërgimit dhe kthimit, ikjes dhe mallëngjimit për një shtëpi që s’mund të jetë më si më parë. I shkruar me një ndjeshmëri të rrallë ndaj humbjes, gjuhës dhe endjes së njeriut nëpër hapësira e fjalë që nuk i përkasin më, ky libër na udhëheq nga ekzili i Ovidit në brigjet e ftohta të Detit të Zi te biblioteka lëvizëse e David Bowie-t, nga arratia e heshtur e Shirley Jackson te kthimi i pamundur i Henry James — për të na kujtuar se letërsia është gjithnjë një udhëtim prej nga dalim të ndryshuar.
Titulli
Historij' e vonë
Përshkrimi
Vëllimi i dytë i shkrimeve historike të Mustafa Merlikë-Krujës, përzgjedhur prej letërkëmbimit të tij të gjerë dhe plot gjykime e dëshmi të vyera e kureshtare vetjake të Shqipërisë gjatë gjysmës së parë të shekullit XX.
Titulli
Fillimet e kinemasë në trevat shqiptare vit pas viti (1897-1945)
Përshkrimi
Titulli
Kishat Pasbizantine në Shqipëri
Përshkrimi
Botimi i dytë i librit “KISHAT PASBIZANTINE NË SHQIPËRI”, nga Pirro Thomo, vjen 30 vjet nga përgatitja e botimit të tij të parë, si rrjedhojë dekadash të tjera në gjurmimin, dokumentimin, studimin dhe restaurimin e kishave pasbizantine në Shqipëri. Përpjekja për një vështrim më të plotë solli dhe rritjen e numrit të monumenteve të studiuara, nga 88 të botimit të parë, në 111 monumente në këtë ribotim.
Numri i madh i kishave të ritit ortodoks të periudhës pasbizantine që ruhen në Shqipëri, variacioni i madh tipologjiko-arkitektonik që ato paraqesin në krahina dhe kohë të ndryshme, si dhe vlerat e larta artistike që ato përmbajnë mbeten përherë objekt i rëndësishëm studimi dhe hulumtimi për gjenerata të tëra studiuesish.
Titulli
Prendimi i andrrimeve
Përshkrimi
Gasper Pali lindi në qytetin e Shkodrës në vitin 1916, qytet në të cilin mori formimin fillestar, e nësa ma bazikun e muer në Firenze. Ai mbahet si nji ndër poetët që xên nji vend të caktuem në letërsinë shqipe: disi i skajtë (i mënjanuem), për shkak edhe të prodhimtarisë së tij letrare jo fort sasiore. Aktiviteti poetik i Gasper Palit, nisë e thadrohet atëbotë kur po njihej era e modernitetit në letërsinë shqipe; arrin të individualizohet e ndahet në shêj si poet, tue mos i përngja disa prej poetëve e shkrimtarëve shqiptarë.
Titulli
Mbi standardizimin e gjuhës
Përshkrimi
Ky vëllim trajton standardizimin e gjuhës shqipe pas Luftës së Dytë Botërore. Ai mbulon rolin kompleks të tre faktorëve të rëndësishëm në zhvillimin e shqipes standarde: qeverisjen socialiste të pasluftës, traditën letrare shqipe dhe marrëdhënien sociolinguistike dhe historike midis dialekteve të shqipes.
Standardizimi shihet si një çështje e përzgjedhjes së formave nga një grup alternativash konkurruese; vepra shqyrton kriteret shoqërore, historike dhe gjuhësore që kanë përcaktuar zgjedhjen e formave standarde. Kështu, studimi ka implikime për zhvillimin e një teorie të standardizimit të gjuhës.
Përveç trajtimit të gramatikës dhe fjalorit, vëllimi mbulon edhe standardizimin e fonologjisë – një temë e cila përgjithësisht është anashkaluar në studimet moderne mbi standardizimin. Autorja vë në dukje edhe rolin e rëndësishëm që kanë luajtur si struktura gjuhësore, ashtu edhe ndryshimi gjuhësor në standardizimin e shqipes, veçanërisht në gramatikë dhe fonologji. Në disa raste bëhen krahasime ndërmjet shqipes dhe gjuhëve të tjera të standardizuara.
Vepra u intereson jo vetëm sociolinguistëve, por edhe studiuesve të letërsisë dhe, natyrisht, studiuesve të ballkanistikës.
Kontakt
Na ndiq
Për të parë të rejat e fundit, mund të na ndiqni në rrjetet sociale
